छत्तीसगढ़ी कहानी -लालच के नतीजा।chhattisgarhi kahani-laalach ke natija.


छत्तीसगढ़ी कहानी विविधताओं से भरा हुआ है।कुछ कहानियाँ प्रेम में सराबोर करने वाली तो कुछ कहानियाँ मनोरंजन के साथ-साथ सीख देने वाली होती हैं।
Add caption

छत्तीसगढ़ी कहानी प्राचीन काल से मौखिक रूप में प्रवाहित होते आ रहा है।छत्तीसगढ़ी कहानी सुनाने के लिए लोगों का पढ़ा-लिखा होना जरूरी नही था।प्राचीन काल में लोगों के पास किसी जानकारी या कविता, कहानी को संजोकर रखने का एक ही साधन था ,मष्तिष्क । लोगों के पास इसके अतिरिक्त और कोई विकल्प ही नही था।





सारा दिन काम करने बाद रात को खाना बनने तक बच्चों को कहानी सुनाना जिससे बच्चों का मनोरंजन हो।बुजुर्गों का प्रतिदिन का काम होता था। पूरे दिन काम करके शरीर जब थक जाता था कहानी,सुनाने वाले और सुनने वाले दोनों को एक नई ऊर्जा प्रदान करता था ।






इस पोस्ट के माध्यम से एक ऐसे कहानी को प्रस्तुत किया जा रहा है, जिसमें दोस्त के साथ विश्वासघात किया जाता है और  विश्वासघात करने का परिणाम उसे भूगतना पड़ता है।








                   लालच के नतीजा




एक गांव म दु झन संगी रहयं ।एक के नाव रहय सुकालू अउ दूसर के नाव रहय दुकालू ।दुनों के बीच म अड़बड़ मितानी रहय | दुनों संगे म घुमय,संगे म कहूँ कोती आवयं जायँ। गॉंव अउ आप पास के मन उंखर मितानी के बड़ाई करत नई थकयं | 




एक दिन दुनो झन सोचथें ।घर म खाली बइठे म काम नई चलय। साथ म मिल के कुच्छु काम बुता सुरु करे जाय।दुनों झन खूब सोंचिन-बिचारिन फेर कोनो दूसर राज म कमाय ल जाय बर तइयार होगें।






दुनो झन अपन-अपन लईका-बच्चा मन ल छोड़ के बैपार करे ल दूसर राज चल देथें, उँहा जाके खूब मेहनत करथें अउ खूब धन कमाथें ।जब बढ़िया कमाधमा लेथें तेखर बाद सोचथें, के अब हमन ला अपन देशराज लहुट जाना चाही।


Add caption





दुनों अपन-अपन कमाय धन ल धर के अपन देशराज जाए बर निकल जाथें। घर आवत रथें त रसता म एक नदिया पड़थे ।नदिया ल पार करत रथें त सुकालू के मन म पाप समा जाथे।मन म सोचथे यदि दुकालू ल नदिया म ढकेल देहुं त सब्बो धन ह मोर हो जाहि।




जइसने दुनों झन बीच नदिया म पहुँचथे। सुकालू ह दुकालू ल धोखा दे के नदिया म ढकेल देथे।दुकालू ह नदिया म बोहाय लगथे ।दुकालू ह बोहावत -बोहावत सोचथे अउ कथे- सुकालू मैं तो अब नई बाचौं। मोर बेटा मन ल फेर एतका बात कहि देबे -




अगला गेंव परिखिहौ,देइहै  त देइहै ।

नही त बड़े घर ल ,सरेखिहा त पाइहा।।





दुकालू नदिया म बोहा जाते ,एति अब धन ल धर के सुकालू ह गांव आ जथे अउ अपन घर म सब धन ल धर देथे।दू चार दिन बाद गॉव के मनखे मन दुकालू के लइका मन ल पूछथें ,दुकालू कमा के आगे ग नई दिखत हे ,कहाँ हे ?दुकालू के लईका मन कथें नई आय हे ।गॉव वाले मन कथे सुकालू तो आ गए हे। 


Add caption




अटका बात ल सुन के दुकालू के लइका मन सुकालू के घर जाथें अउ सुकालू ल पुछथें -कका , हमार बाबू जी कहाँ हे ? अतका बात ल सुन के सुकालू ह मुड़ी म हाथ ल रख के कथे-का बताववं बेटा हो कमाकूद के आत रहेन त रसता म नदिया ल नाकत खनी तोर बाबूजी ह जतका कमाय धमाय रहिस हे तेखर सुध्धा पानी म बोहा गिस हे।




दुकालू के लइका मन रोय लगथे ,सुकालू दुकालू के लइका मन ल समझाथे अउ कथे -बेटा हो जेन होना हे होगे ,अब घर परिवार ल सम्हालौ।फेर बेटा हो , पानी म बोहावत बोहावत दुकालू ह एक ठन बात बताय ल कहिस हे।मोला तो कुच्छु समझ म नई आइस हे।दुकालू के लईका मन पूछथे का कहिस हे कका बता ?( सुकालू ह दुकालू के कहे बात ल बताथे।)




आगला गेंव परिखिहौ,देइहा त देइहा।

नही त बड़े घर ल ,सरेखिहा त पाइहा।।





दुकालू के लईका मन ल सुकालू के बात ल सुनते ही समझ जाथे।काबर के ओखर दद ह कहे रथे-ए आदमी के नियत म खोंट हे ,एला ल परख लेहौ,मोर कमाय धन ल देही त देही नही त एखर बड़े घर ल खोजहू त पाहू।



दुकालू के लईका मन गाँव के पंचइत ल बुला के लाथें अउ सब बात ल बताथें।पंचइत वाले मन ह सुकालू के बड़े घर ल खोजथे त दुकालू के कमाय धन ह मिल जथे।




फेर, सुकालू के पाप ह सब ल पता चल जाथे | गाँव वाले मन पुलिस ल बुला लाथे ,पुलिस मन सुकालू ल थाना म लाके पूछथें त सब बात ल बताथे-कइसे धन के लालच म दुकालू ल नदिया म ढकेल दे रहिस हे।




दुकालू के चलाकी अउ लईका मन के सूझबूझ के कारन उंखर ददा के कमाय धन ह मिल जाथे अउ सुकालू ल जेल तको भेजवा देथें।




........................................................................




इस कहानी से हमें यह शिक्षा मिलती है कि कभी भी दोस्ती में विश्वासघात नही करना चाहिए।किसी को कमजोर नही समझना चाहिए।बुरे कर्मो का फल बुरा ही होता है इस लिए कभी भी ऐसा नही समझना चाहिए कि मैं कुछ भी कर लूँ कोई सुराख़ नही मिलेगा । कर्म का फल मिलता ही है ।बुरा कर्म करने से बुरा परिणाम और अच्छा कर्म करने से परिणाम  भी अच्छा मिलता है।





नये-नये कहानी ,कविता तथा  जनउला आदि पढ़ने के लिए शेयर और कमेंट जरूर करें ।धन्यवाद





Post a comment

0 Comments